Suid-Afrikaanse gemeenskap is tot op breekpunt gepolariseerd – Ons en hulle

Dit is opmerklik dat die Suid-Afrikaanse gemeenskap tot op breekpunt gepolariseerd is, dit is in elk geval hoe die staatsbeheerde media-huise dit vandag aanbied. Ons en hulle. Swart en wit, en vir vele Suid-Afrikaanse burgers is dit ‘n heel verstaanbare en aangrypbare narratief. Die werklikheid is dat die polarisering tussen ons en hulle, op grondvlak, nie so duidelik was nie… let wel, was nie… maar die polarisering is so gedryf deur die media en politici, dat beide ons en hulle gemaklik op die afsonderlike waens klim en trek, agter watter vlag ook al ons voorkeur kry. Ek wil nie hier teen dit probeer betoog nie, maar verklaar slegs die waarneembare werklikheid. Ek glo in elk geval dat lokalisme en identiteitspolitiek groot waarde het. Binne ‘n groter Suid-Afrikaanse konteks is ek bevrees dat die ‘ons en ons’ skip se reënboogseile vaagweg oor die horison vanaf Bloubergstrand nog sigbaar is, op pad na Perth… Ek was dalk ook onbillik om die media al die skuld te probeer ge…
Read more
  • 0

Suid-Afika se mediese dilemma

In Suid-Afrika, so wil dit voorkom, het jy twee keuses as jy ernstig siek is: of jy gaan dood in ʼn staatshospitaal, of jy gaan bankrot in ʼn privaathospitaal. Ons sit met ʼn tweeklasse-medies: swak, basiese maar gratis gesondheidsorg deur die staat, wat beter is as niks nie maar wat gerig is op die behoeftes van die Derde Wêreld en wat ook toenemend verswak, en state of the art privaatmedies, met hospitale wat lyk soos 5sterhotelle en nog meer as sulkes per nag kos. Laasgenoemde word moontlik gemaak deur mediese skemas met hulle verwarrende hoeveelheid opsies en tariewe. Feit is dat, as jy en jou gesin ten volle medies gedek wil word, dan moet jy ʼn groot deel van jou salaris opdok, iets wat min gemiddelde mense kan doen. Daar is altyd weer nuwe skemas wat die dilemma probeer oplos en wat met heelwat laer premies kliente lok, maar die fynskrif sluit dikwels dit wat werklik nodig is uit. In Orania is seker die grootste behoefte, volgens die inwoners, medies. Verkieslik ʼn hos…
Read more
  • 0

Keuse vir die Afrikaner

Vergun my die volgende kommentaar puntsgewys op die artikel Skotland en ‘n Afrikaner “vrystad” deur Flip Buys: Soewereiniteit is nie deelbaar nie. Soewereiniteit in die volkereg beteken staatkundige / politieke onafhanklikheid. Binne erkende landsgrense kan daar net een soewereiniteit wees, gesetel in die verkose sentrale regering. So bv., hoewel die Amerikaanse deelstaat Kalifornië die sewende grootste ekonomie ter wêreld het, is dit nie soewerein nie – dié berus by die Amerikaanse federale regering. Onder sekere omstandighede kan ‘n gedeelte van ‘n land of staat wel afskei, soos bv. Suid-Soedan van Soedan en indien dan aan bepaalde vereistes voldoen word, word ‘n splinternuwe staat gevorm met sy eie soewereiniteit – terwyl die moederstaat sy/haar eie soewereiniteit behou. Die term selfbeskikking is nie altyd duidelik omlyn nie, maar verwys meesal na ‘n volk om seggenskap oor homself te hê – dus eintlik word bedoel verwesenliking van eie soewereiniteit. Daaraan gekopp…
Read more
  • 0

Orania Meuseum spog met nuwe erfstukke

Nuwe erfstukke word uitgepak in die Verwoerdmuseum. Wyle dr Verwoerd se twee seuns, dr. Christiaan en prof. Wilhelm Verwoerd (die skenker), het dit gebring. Daar is, onder andere, ‘n pragtige skildery van die voormalige Eerste Minister dr HF Verwoerd, deur Jo Roos. Sy kleinseun, Carel, het sommer dadelik ‘n ereplek daarvoor gevind. ‘n Waaiertjie uit die koningshuis van Keiser Wilhelm II van Duitsland het ook nou sy weg na Orania gevind. Dit was waarskynlik aan ‘n diensmeisie geskenk na die keiserin-moeder, Augusta Victoria, se dood en was later 'n geskenk aan mev Verwoerd. Daar is ook 'n pragtige gehekelde bedsprei wat mev Betsie Verwoerd graag in haar huis gebruik het.
Read more
  • 0

Getuienis van Eldien, ‘n jong meisie wat woonagtig is in Orania

Ek bly in Orania - Orania is ‘n plek waar vir vele jongmense die kans gegun word om 'n bestaan vir hulswelf te kan maak. Hier kan hulle klein begin en groot droom. Orania bied aan hierdie jongmense 'n veilige omgewing, waar daar met durf en selfwerksaamheid entrepreneurs gekweek word. “Die lekkerste ding van Orania is vir my hoe veilig dit hier is... en dat ek met ‘n oop venster kan slaap,” So begin Eldien Kirsten te vertel van haar ervaring op Orania. Sy verduidelik verder dat om elke dag vryheid te mag beleef vir haar dié plek so besonders maak. Eldien bly vir byna 20 jaar in Orania en is nog sielsgelukkig hier in die hartjie van die Noordkaap. Sy werk saam haar ma Uysie Kirsten by die Kontreiwinkel, wat nie te lank terug na ‘n splinternuwe perseel geskuif het nie. Eldien sien baie uit na dit wat die toekoms vir haar ma se besigheid, hier in Orania, mag inhou. Sy hoop ook om eendag te gaan studeer of verder te gaan met haar ballet. Eldien is 'n meisie wat baie ska…
Read more
  • 0

Volkskool Orania hou feestelik verjaarsdag

Vroeg verlede Saterdagoggend het Volkskool Orania hul sewe-en-twintigste verjaarsdag met ‘n feestelike potjiekoskompetisie afgeskop. Dit was ook die begin van ‘n fondsinsamelingsprojek vir groot uitbreidings aan die bestaande gebou, waarvan die planne reeds by die argitek is. Die leerlingtal het in so ʼn mate toegeneem dat die skool dringend groter ruimte benodig. Die skoolhoof, mev Anje Boshoff, het haar dankbaarheid uitgespreek oor die fenomenale groei van die skool – nie net in getalle nie, maar in diepte en omvang van onderrig en interne groei. In 1992, toe Volkskool begin het, het hulle onder die destydse Kaaplandse Onderwysdepartement geval. Vandag is dit die derde leerplan wat hulle volg, sê Anje. Die skool het 110 afstandonderrigleerders en 130 leerders wat daagliks die skool bywoon. Sy sê dat daar soms moeilike tye was, maar dat die vreugde van sukses dit oor en oor die moeite werd maak. Deur: Orania Beweging Nuusbrief 18 Junie 2018
Read more
  • 0

Uitnodiging na inligtingsaand oor belegging in Gannabos-behuisingsprojek

Orania-ondersteuners in Gauteng word uitgenooi na ’n inligtingsgeleentheid oor die Gannabos-behuisingsprojek op Maandag 18 Junie om 18:00 by die kantoor van Solidariteit in Pretoria. Die doel van die geleentheid is om aan voornemende beleggers te verduidelik hoe jy vir so min as R25 000 as belegger tot Orania se eiendomsmark kan toetree. Die eerste fase van die Gannabos-projek is reeds ’n sukses met alle voltooide wooneenhede wat onmiddellik opgeraap word en ’n lang waglys van potensiële huurders. Beleggers vir die volgende fase word tans gewerf. Persone wat belangstel om die geleentheid by te woon moet voor of op Vrydag 15 Junie 2018 vir Appie Pienaar by appie@solidariteit.co.za laat weet.
Read more
  • 0

‘n Volk en sy grond

Op 19 Junie 2007 het ’n beraad in Orania plaasgevind met die tema: “Die grondvraag: langtermynkeuse vir die Afrikaner.” ’n Sinvolle publikasie onder redakteurskap van Prof. Carel Boshoff het kort na die beraad verskyn met ’n voorwoord en die teks van al sewe toesprake wat op dié dag gelewer is. Prof. Boshoff lei die publikasie in met: “Die grondberaad op 19 Junie 2007 het plaasgevind teen die agtergrond van die grondhervorming, grondeise en swartbemagtiging wat in Suid-Afrika plaasvind. Gepaardgaande daarmee het die plaasmoorde wat ’n skrikbewind geword het, steeds toegeneem.” Op die oogaf lyk hieride inleidende twee sinne soos iets wat gister of vandag oor gebeure vroeg in 2018 geskryf kon word. Die werklikheid is dat wat nou vir ons nuut lyk, omdat ons dit nou as dreigend ervaar, reeds vir jare met ons is. Reeds vir meer as twee dekades is die grondhervorming, grondeise, swartbemagtiging en plaasmaarde  waarvan Prof. Boshoff in 2007 geskryf het, met ons. Tydens die b…
Read more
  • 0

Arbeid adel – die vrug van selfwerksaamheid

“Arbeidsetiek is die DNA van Orania” hoor ek ons Dorpsbestuurder se stem by ‘n vergadering waar ons die praktyk van selfwerksaamheid in Orania bespreek. Ek kyk by die venster uit. Hier op Orania gaan die dae verby – een mooier en meer vol poësie as die ander! Beleë en gekoester lê die omgewing soos ‘n natros en ‘die jaar word ryp in goue akkerblare, in wingerd wat verbruin, en witter lig wat daglank van die nuwe wind en klare son deurspoel word’, hoor ek Van Wyk Louw saampraat. Wat ‘n heerlike seisoen! Om fluks en vlytig te wees, is ‘n deug waarvan die voordele dieper as veldiep lê, dieper as wat die oog kan sien. Daarom is dit een van die sewe deugde wat in die Christelike tradisie van geslag tot geslag oorgedra moet word. “Werk behoort liefde te wees wat gestalte gekry het”, skryf J van der Berg in Ook die Klein Dingetjies, “want diegene wat met liefde werk – al is die werk hoe nederig en gering – vind hul loon in die besef van hulle dieper verband met alle wesenlike di…
Read more
  • 0

Sweedse filmspan besoek Orania

'n Sweedse filmspan, onder leiding van Jonas Nilsson is tans in Orania met 'n opvolgverfilming van sy #Boerproject. Hier gesels hy met die leerlinge van Volkskool Orania oor Swede se belangstelling in die huidige stand van sake in Suid-Afrika. Hy het, onder andere, onderhoude met Carel Boshoff, Dirk Hermann en Steve Hofmeyr verfilm. Volg gerus sy Youtube kanaal by Palaestra Media indien julle dit wil sien. https://www.youtube.com/watch?v=mix0RGvf1aY&feature=youtu.be   Deur: Jislaaik - Nuusbrief van Orania
Read more
  • 0