Dit is ‘n feit dat die aandeel van die blanke in die BNP van die land buite verhouding groot is vanweë hul kundigheid, innovasie en produktiwiteit.

Dit geld ook die bydrae van die blanke tot die belastinginkomste van die staat. Die regering gaan egter voluit om belastinggeld uitsluitlik vir swart ekonomiese bemagtiging (SEB) aan te wend, terwyl sover doenlik die aanwending van belastinggeld weggehou word van blankes. Die inkomste van die SA staat kom tans 37,5% van persoonlike belasting, 27% van BTW, en 19,3% van maatskappybelasting, wat ‘n totaal van 83,8% maak, met 16,2% wat van die res afkomstig is.

Nou reken ons: Dit is hoog tyd dat blankes in SA aan die regering ‘n boodskap stuur op die wyse wat die seerste maak, nl. om te begin om gekoördineerd en binne wetlike paremeters belasting te weerhou. ‘n Demokratiese regstaat bestaan basies uit ‘n sosiale kontrak tussen onderdane en verkose owerheid met die ooreenkoms: Ons gehoorsaam jou en betaal belasting, sodat jy ons lewe en eiendom beskerm en vir ons noodsaaklike dienste lewer.

As die owerheid aanhoudend in gebreke bly om dit te doen, is die kontrak verbreek en het die onderdane geen keuse as om hul toevlug te neem tot remedies ter oorlewing nie. By hierdie siening kan nog die faktore van staatskaping, ongeëwenaarde korrupsie en eensydige voorkoms van moorde op blankes deur swart mense gevoeg word en wat die opsie van belastingweerhouding des te meer nodig maak.

Bron: Ditsem Nuus
Orania Koerant


Leave a Reply

This site uses Akismet to reduce spam. Learn how your comment data is processed.