Kontroversie rondom grondonteiening sonder vergoeding is vir Orania Burgerraardlede ernstige kwessie

Die afgelope naweek het die Orania Beweging se Burgerraadlede op Orania byeengekom vir ʼn spesiale Burgerraadsitting. Hierdie spesiale vergadering is gereël met die gebeure van 27 Februarie 2018 as vertrekpunt. Die Orania Beweging beskou die huidige kontroversie rondom grondonteiening sonder vergoeding in ʼn baie ernstige lig en neem ook ons verantwoordelikheid as rolspeler in die debat daarrondom op. Carel Boshoff iv, president van die Orania Beweging het die vergadering geopen met sewe punte rondom die rol van die Orania Beweging binne breër Afrikanerverband. Dit het gestrek van skakeling (plaaslik en internasionaal) tot veiligheid en politieke uitdagings. Mnr Flip Buys, uitvoerende voorsitter van Solidariteit het insette gelewer oor die Solidariteit Beweging se strategie in die huidige milieu. Jaco Kleynhans het as uitvoerende hoof van Orania Beweging, het op sy beurt weer die huidige internasionale skakel strategie vanuit Orania Beweging se kantore, ook met ons vriende …
Read more
  • 0

Orania Beweging vier sy 30ste bestaan jaar – 4 redes vir sukses

ʼn Werkbare plan vir die tyd na magsverlies Toe die Orania Beweging onder die naam Afrikaner-Vryheidstigting op 21 Maart 1988 deur prof. Carel Boshoff en ʼn klein groep medestryders in sy huis in Pretoria gestig is, is dit deur destydse waarnemers waarskynlik gesien as “net nog ʼn regse organisasie” in ʼn tyd waar die Broedertwis tussen die sogenaamde verligtes en verkramptes op sy hoogtepunt was. Dit was die tyd van die opgang van die KP en AWB op politieke terrein, die APK en BCVO op godsdiens- en onderwysgebied en Afrikaner-Volkswag en ander op die kultuurterrein. Die doel van die organisasies was om die noodlottige pad van die NP-regering na swart magsoorname te stuit. Alhoewel die Afrikaner-Vryheidstigting deel van die “regse kraal” was, was die organisasie fundamenteel anders. Feitlik alle organisasies was gerig daarop om ʼn scenario van swart magsoorname, oftewel ʼn hervormingsproses wat daarop sou uitloop, te keer. Dat so ʼn scenario denkbaar was, is daarby nie in be…
Read more
  • 0

ANC liberal – “The state of Orania is a desecration of values”

OPINION: Thembile Ndabeni - Negotiations result from the failure of the belligerent being defeated. The ANC made a lot of compromises during the negotiated settlement that led to liberation. Part of the compromise has rendered our victory weak. Mandela had asked blacks to throw their weapons to the sea. He was not asking the armed regime to do likewise. Most of the victims of the ensuing violence then were supporters of the ANC. They were being massacred in Boipatong and elsewhere. The same Mandela asked Andrew Babeile to go to jail after stabbing a white learner. Yet racist white learners did not do the same for attacking Lindelani Khanyile, damaging his eye. Those white learners, their parents and teachers never showed remorse and apologized. Instead, the MEC of education in that province, apologized on behalf of the white learners, with no prospect of jail, expulsion or suspension for the perpetrators, as was the case with Babeile. Robert Mugabe, just before he w…
Read more
  • 0

Geleentheidsrede by die herdenkingsdinee van die Orania Beweging op sy dertigste verjaarsdag 21 Maart 2018

Vriende en kamerade – mede-Oraniërs, mede-Afrikaners en medestryders vir die vryheid van ons volk Dit is ’n besondere geleentheid om by wyse van hierdie samekoms die gebeure van 30 jaar gelede, toe die Afrikaner-Vryheidstigting in die lewe geroep is, te herdenk. Terwyl dit 30 jaar gelede netso onmoontlik was om vooruit te sien presies waar ons vandag sou wees as wat dit vandag is om presies te weet waar ons oor nog 30 jaar sal wees, is dit vanaand wel moontlik om ons gedagtes oor die afgelope drie dekades te laat gaan en die onbekende uitdagings wat voorlê aan die hand daarvan tegemoet te gaan. As die verlede ’n aanduiding is van wat in die toekoms verwag kan word – en daar is goeie rede om van dié veronderstelling uit te gaan – dan is die een eienskap waaroor ons moet beskik, avontuurlus (waarby inbegrepe verbeelding, want sonder ’n sterk verbeelding maak avontuurlus eintlik nie sin nie. Sedert daardie herfsaand in Pretoria 30 jaar gelede toe ’n klein groep Afrikanerd…
Read more
  • 0

Onteiening van grond sonder vergoeding – Wat hou dit in vir die Afrikaner en Orania?

Hierdie artikel het in die Maart-uitgawe van “Voorgrond” verskyn. Weens die groot belangstelling in die onderwerp word dit ook op die blog geplaas. Na die onlangse mosie in die parlement oor onteiening sonder vergoeding is die kat behoorlik in die duiwehok. Uit die aard van die saak is die Orania Beweging bekommerd oor die implikasie van die grondwetsverandering oor so ‘n kardinale mensereg soos die reg op eiendom. Dit is een van die pilare van die Westerse samelewing en ook van enige geordende regstaat. Met ‘n heel ander uitgangspunt, naamlik die Afrika-denke van kollektiewe grondbesit wat deur die leier (in hierdie geval die staat) in trust gehou word en dan volgens behoefte toegeken word, net om weer weggeneem te kan word en wat nooit aan jou behoort nie, is dit seker nie vreemd nie dat ANC, EFF en ander swart-nasionalistiese partye so ‘n mosie steun. Ons weet nog nie presies wat die verandering van artikel 25 van die Suid-Afrikaanse Grondwet, wat onteiening sonder ver…
Read more
  • 0

Die week is dit weer die ou vlag wat geteiken word. Wat dink Orania daarvan?

Elke week word iets nuuts geteiken wat vir die Afrikaner kosbaar is. Taal, volkslied, monumente, onderwys, godsdiens, natuurlik nou veral grond, noem maar op. Dit is soos ʼn permanente aanslag met pyle uit alle rigtings. Tans is dit weer die ou vlag wat geteiken word. Soos gewoonlik skep die regering die klimaat deur uitsprake dat die ou vlag onwettig verklaar moet word, en daarna tree “nuttige idiote”, ook uit Afrikanergeledere, op grondvlak op en vat die saak verder. Een voorbeeld is ʼn beroepstudent in Stellenbosch, wat homself ʼn aktivis noem (ʼn mooi beskrywing vir iemand wat nog nooit ʼn ordentlike werk gedoen het nie) en “debat” wil ontketen deur mense aan te moedig om oor die ou vlag, met name daarop geskryf van Afrikaners wat volgens die “aktivis” met die ou Suid-Afrika verbind word, te loop as teken van afkeur. Die aksie is bedoel as provokasie, nes die verf en brand van standbeelde, en bring natuurlik dadelik die vraag na vore hoe ons oor die ou vlag of Republiekvl…
Read more
  • 0

The Orania Movement Overseas will celebrate its 30th anniversary in Rotterdam

The Orania Movement will celebrate its 30th anniversary on 21 March 2018. On the 21st of March 1988 the organisation was launched at a small meeting in Pretoria. Today the Orania Movement has thousands of supporters across South Africa and more than 40 countries abroad. Our support in other parts of the world, especially Europe, is very important for us. Thus we strive to get supporters to more often liaise with each other and to get together to talk about ways in which the Orania community can be better promoted. The Orania Europe initiative, organised by friends of Orania in several European countries, are having a get together on 24 March 2018 at 14:00 in Rotterdam at Bar Brasserie-Engels. Anyone interested in attending the event must please let us know in advance. Send an e-mail to melissa@orania.co.za.
Read more
  • 0

Afrikanerkonsentrasie moet antwoord op grondpolitiek wees – Orania Beweging

Die Orania Beweging het, in reaksie op die aanvaarding van die EFF se mosie oor grondonteiening vroeër hierdie week in die parlement, gesê dat Afrikaners geen ander keuse het as om die noodsaak van konsentrasie te besef nie. Afrikaners as ’n minderheid wat baie grond regoor Suid-Afrika besit, is duidelik in die visier van die eskalerende grondpolitiek in ons land. Ons boodskap aan Afrikaners is dat dit oor die langtermyn nie volhoubaar sal wees om as ’n klein en ylverspreide minderheid grond en die belange wat daarmee saamgaan regoor Suid-Afrika te probeer beskerm nie. Ons moet ’n ernstige strategie van konsentrasie implementeer met meerderheidsbesetting van ’n deel van Suid-Afrika as die eerste prioriteit. Populistiese grondpolitiek is besig om as ’n wesenlike risiko vir Suid-Afrika te ontwikkel. Die idee dat toegang tot grond die oplossing vir mense se armoede en werkloosheid kan wees, is verregaande. Grond is min werd sonder kapitale spandering op die grond, sowel as …
Read more
  • 0

Orania – ‘n oordenking

My oë gly oor die slapende dorp. Tussen my teue koffie, hier op die heuweltjie, bedink ek Orania. Ek merk twee mense wat vroegmôre teen die monumentkoppie opstap, waar ‘n paar van ons voorvaders se borsbeelde pryk. Die Klein Reus wapper fier op die vlag, daarnaas, in die ligte bries. ‘n Paar honderd meter verder kronkel ‘n digte misstreep al met die rivierloop langs tot dit wegraak agter die koppies. Netnou, as die oggendmis wegtrek sal dit moeilik wees om die loop van die rivier tussen die landskap se bome en heuweltjies met die oog te volg. Dan sal dit my weer herinner aan Dante, wat nie sy pad na die Bron kon vind nie en aan Vergilius, sy leermeester, wat tot sy hulp gekom het en hom uitgelei het. Vergilius het die lope van riviere tot by die Bron geken. Vir Dante was dit ‘n lang pad waar hy gekonfronteer was met homself – sy ondeugde en dwalinge. Hy moes baie stryde voer – fisies en geestelik uitmergelend – om donker kant van hom te oorkom sodat hy uiteindelik die Lig…
Read more
  • 0

Wat as die ergste gebeur?

Dit is nie toevallig dat my eerste plasing op Orania blog jare gelede juis die vraag van al die negatiewe scenario’s vir Orania wat nooit gebeur het nie, behandel het. Dit wys hoe sterk vrees vir die ergste onder ons mense teenwoordig is, iets wat seker verstaanbaar is in ʼn opset soos Suid-Afrika, met sy rassehaat, misdaad en ongelykheid. Gerugte oor massa-aanvalle verskyn gereeld en maak van ons mense bang. Iemand wat bang is, is ʼn maklike teiken. Daar is ʼn verskil om wakker te wees, risiko’s te erken en daarop te reageer aan die een kant, en om vol vrees en negatiwiteit deur die lewe te gaan en net altyd die ergste te verwag, aan die ander kant. Ons hoef ook nie altyd verlam te wees deur vrees vir die ergste nie, ʼn soort burgeroorlog/volksmoordscenario, terwyl die realiteit waarmee ons sit, met aanvalle en moorde elke dag, erg genoeg is en ons volle aandag verg. Orania word gereeld betrek by sulke “wat as…?” scenario’s dat daar tientalle busse met gewapende EFF-lede op ons…
Read more
  • 0